ຂັ້ນຕອນການກະກຽມກ່ອນການມ້າງຄອມພິວເຕີ
ນຳເອົາ Case ຂອງຄອມພິວເຕີ
ທີ່ຕ້ອງການມ້າງ ແລ້ວກຽມເຄື່ອງມືທີ່ຈໍາເປັນຕ້ອງໃຊ້ໃນເວລາມ້າງໃຫ້ຄົບຖ້ວນ, ເຄື່ອງມື
ທີ່ຈໍາເປັນຕ້ອງໃຊ້ໃນເວລາມ້າງມີດັ່ງນີ້:
v ໄຂຄວງຈຸມ-ແປ (ໃຊ້ໃນການຫັນນ໊ອດທີ່ຈັບຢຶດອຸປະກອນຕ່າງໆ).
v ນໍ້າຢາຊີລິໂຄຣນ (ນໍ້າຢາຊ່ວຍລະບາຍຄວາມຮ້ອນຂອງ CPU).
v ຜ້າແພ (ໃຊ້ເຊັດເຫື່ອ ໃນຂະນະທີມ້າງຢູ່).
v ປຶ້ມ (ສຳຫຼັບບັນທຶກຂັ້ນຕອນການມ້າງ, ຈຳເປັນສຳຫຼັບມືໃຫມ່).
v ຄີມປາກແຫຼມ (ສະຫຼັບຈັບ ຫຼື ດຶງອຸກອນຂອງຄອມພິວເຕີ).
v ເຄື່ອງເປົ່າຝຸ່ນ.
ພຽງເທົ່ານີ້ກໍ່ສາມາດເຮັດວຽກ ການມ້າງ -
ປະກອບຄອມພິວເຕີໄດ້ແລ້ວ.
I. ຂັ້ນຕອນການມ້າງ.
1.
ໃນຂັ້ນຕອນການມ້າງຄອມພິວເຕີແບບຕັ້ງໂຕະ ແມ່ນເລີ່ມຈາກການເອົາຝາ Case ທາງເບື້ອງຂວາອອກ ດ້ວຍການດຶງຝາລົງໃຫ້ອອກຈາກລ໊ອກ.
ຮູບທີ 35 ຮູບສະແດງຂັ້ນຕອນການໄຂຝາເຄສ
2.
ຖອດສາຍໄຟທີ່ຕໍ່ຈາກ Power Supply ໃສ່ກັບຈຸດຕ່າງໆທີ່ຢູ່ໃນ Mainboard ອອກໃຫ້ໝົດ.
ຮູບທີ 36 ຮູບສະແດງຂັ້ນຕອນການຖອດສາຍໄຟຈາກພາວເວີ
ຫົວຕໍ່ແຫຼ່ງຈ່າຍໄຟ
(Power Supply) ຈະມີຮູບແບບແຫຼ່ງຈ່າຍໄຟທັງໝົດຢູ່ 2
ແບບຄື: ຫົວແບບ ATX
ເຊິ່ງເປັນຫົວຕໍ່ຫຼັ້ກທີ່່ເມນບອດ ທຸກລຸ້ນນັ້ນຕ້ອງມີ ເປັນຊຸດຈ່າຍໄຟຫຼັກສຳລັບເມນບອດ
ເມື່ອກ່ອນຫົວຕໍ່ ATX ຈະເປັນແບບ 20 ຊ່ອງ
(2 ແຖວ
ແຖວລະ10 ຊ່ອງ) ປັດຈຸບັນຈະເປັນແບບ 24 ຊ່ອງ
(2 ແຖວ
ແຖວລະ 12 ຊ່ອງ)
ໂດຍເພີ່ມຕຳແໜ່ງຂອງການຈ່າຍໄຟໃຫ້ຫຼາຍຂຶ້ນ.
ຫົວຕໍ່ແບບທີ່ 2 ເອີ້ນວ່າ
ATX 12V ຫົວຕໍ່ຊະນິດນີ້ຈະເພີ່ມການຈ່າຍແຮງດັນໄຟຟ້າ 12ໂວນຂື້ນມາ
ເຊິ່ງເມນບອດທຸກລຸ້ນໃນປັດຈຸບັນຈຳເປັນຕ້ອງໃຊ້ຫົວຕໍ່ຊະນິດນີ້ເພີ່ມຂຶ້ນຈາກຫົວຕໍ່ເດີມ
ແລະ ແຫຼ່ງຈ່າຍໄຟໃນປັດຈຸບັນກໍມີຫົວຕໍ່ຊະນິດນີ້ໄວ.
3.
ຕໍ່ດ້ວຍການເອົາ Power Supply ອອກຈາກ Case.
ໄຂນ໋ອດຈັບ Power supply ອອກໃຫ້ໝົດທຸກຕົວ ແລ້ວຖອດສາຍໄຟລ້ຽງຕ່າງໆ ທີ່ຕໍ່ຈາກ Power Supply ໄປສູ່ຈຸດຕ່າງໆໃນເມນບອດ ແລະ
ຍົກພາເວີສະຟາຍຂຶ້ນມາ. Power Supply ເປັນບອນແຫຼ່ງກະຈ່າຍໄຟ
ມີໜ້າທີ່ກະຈ່າຍໄຟໄປຫາສ່ວນຕ່າງໆຂອງຄອມພິວເຕີ.
ຮູບທີ 37 ຮູບສະແດງຂັ້ນຕອນການເອົາພາວເວີອອກຈາກເຄສ໌
4.
ເອົາ RAM ອອກຈາກຊະລັອດຂອງແຣມ
ດ້ວຍການຍູ້ລັອກທັງສອງຂ້າງຂອງແຣມອອກ ແລ້ວຄ່ອຍດຶງແຣມຂຶນມາ.
ຮູບທີ 38 ຮູບສະແດງຂັ້ນຕອນການເອົາແຣມອອກຈາກສະລອ໊ດ
5.
ເອົາກາດຈໍອອກຈາກສະລ໊ອດ ໃນເມນບອດ.
ຮູບທີ 39 ຮູບສະແດງຂັ້ນຕອນເອົາກາດຈໍອອກ
6.
ເອົາ Mainboard ອອກຈາກເຄສ.
ຮູບທີ 40 ຮູບສະແດງຂັ້ນຕອນເອົາເມນບອດອອກຈາກເຄສ໌
7.
ເອົາຮາດດິສອອກຈາກເຄສ.
ຮູບທີ 41 ຮູບສະແດງຂັ້ນຕອນເອົາຮາດດິກສ໌ອອກ
8.
ຫັນເອົາ CD ROM ອອກຈາກເຄສ.
ຮູບທີ 42 ສະແດງຂັ້ນຕອນເອົາ CD ROM ອອກຈາກເຄສ໌
9.
ເອົາພັດລົມຂອງຊີພີຢູອອກຈາກເມນບອດ ດ້ວຍຫັນລັອກອອກຈາກຂວາຫາຊ້າຍ. ພັດລົມ ເປັນຕົວລະບາຍຄວາມຮ້ອນໃຫ້ກັບ CPU.
ຮູບທີ 43 ສະແດງຂັ້ນຕອນເອົາພັດລົມອອກຈາກເຄສ໌
10. ເອົາ CPU ອອກ ດ້ວຍການ ປົດລັອກຂອງຊະລັອດ ຊີພີຢູ.
ຮູບທີ 44 ສະແດງຂັ້ນຕອນເອົາ
CPU ອອກ
ພຽງເທົ່ານີ້
ອຸປະກອນຄອມພິວເຕີທຸກຊິ້ນສ່່ວນກໍ່ໄດ້ມ້າງອອກເປັນທີ່ຮຽບຮ້ອຍແລ້ວ ຫຼັງຈາກນັ້ນໃຫ້ເອົາຕົວເມນບອດອອກຈາກເຄສແລ້ວນຳອຸປະກອນເປົ່າຂີ້ຝຸ່ນມາທຳຄວາມສະອາດໃຫ້ຮຽບຮ້ອຍ
ແລ້ວກໍ່ເປັນອັນສຳເລັດໃນຂັ້ນຕອນການມ້າງ.
บทความ
ไม่มีความคิดเห็น:
แสดงความคิดเห็น