ປະເພດຂອງເຄືອຂ່າຍ
ເຄືອຂ່າຍຄອມພິວເຕີສາມາດແບ່ງອອກເປັນປະເພດຕາມພື້ນທີ່ທີ່ຄອບຄລຸມການໃຊງານເຄືອຂ່າຍດັ່ງນີ້
1. ເຄືອຂ່າຍສ່ວນບຸກຄົນ ຫລືແພນ ( Personal Area Network: PAN )
ເປັນເຄືອຂ່າຍທີ່ໃຊ້ສ່ວນບຸກຄົນ ເຊັ່ນ ການເຊື່ອມຕໍ່ຄອມພິວເຕີກັບໂທລະສັບມືຖື
ການເຊື່ອມຕໍ່ພີດີເອກັບເຄື່ອງຄອມພິວເຕີຊຶ່ງການເຊື່ອມຕໍ່ແບບນີ້ຈະຢູ່ໃນໄລຍະໃກ້
ແລະມີການເຊື່ອມຕໍ່ແບບຂາດສາຍ
2. ເຄືອຂ່າຍສະເພາະທີ່ ຫລືແລນ ( Local Area Network: LAN )
ເປັນເຄືອຂ່າຍທີ່ໃຊ້ໃນການເຊື່ອມໂຍງຄອມພິວເຕີແລະອຸປະກອນຕ່າງ
ໆ ທີ່ຢູ່ໃນພື້ນທີ່ດຽວກັນຫລືໃກ້ຄຽງກັນ ເຊັ່ນ ພາຍໃນບ້ານ ພາຍໃນສຳນັກງານ
ແລະພາຍໃນອາຄານ ສຳລັບການໃຊ້ງານພາຍໃນບ້ານນັ້ນອາດເອີ້ນເຄືອຂ່າຍປະເພດນີ້ວ່າ
ເຄືອຂ່າຍທີ່ພັກອາໄສ ( home
network ) ໂດຍອາດເປັນການເຊື່ອມຕໍ່ເຄື່ອງຄອມພິວເຕີຕັ້ງແຕ່ 2 ເຄື່ອງ ຫລືຫລາຍກວ່າ ເຄືອຂ່າຍແລນຈັດໄດ້ວ່າເປັນເຄືອຂ່າຍສະເພາະອົງກອນ
ການເຊື່ອມຕໍ່ເຄືອຂ່າຍແລນສາມາດສື່ສານຂໍ້ມູນໄດ້ຢ່າງວ່ອງໄວແລະເກີດປະສິດທິພາບກັບອົງກອນຫລາຍທີ່ສຸດ
ເນື່ອງຈາກເຄືອຂ່າຍແລນນີ້ຈະເຮັດຫນ້າທີ່ເຊື່ອມປະສານງານການເຮັດວຽກງານ
ບໍລິຫານການຈັດການຊັບພະຍາກອນຕ່າງ ໆ ໄດ້ດີທີ່ສຸດ ເຊັ່ນ ການຕິດຕັ້ງເຄື່ອງພິມສ່ວນກາງ
ການຈັດການຖານຂໍ້ມູນ ການຈັດການແຟ້ມ ການຮັບ-ສົ່ງເອກະສານ ລາຍງານຕ່າງ
ໆ ເພື່ອໃຊ້ຕັດສິນໃຈໃນອົງກອນ ເນື່ອງຈາກອຸປະກອນແຕ່ລະຊິ້ນຈະຢູ່ໃນຕຳແໜ່ງທີ່ບໍ່ຫ່າງໄກປານໃດ
ຈຶ່ງສາມາດເຮັດຄວາມໄວໃນການສື່ສານແລະມີອັດຕາການຖືກລົບກວນຂອງສັນຍານນ້ອຍ ຊຶ່ງອາດໃຊ້ການເຊື່ອມຕໍ່ແບບໃຊ້ສາຍຫລືຂາດສາຍກໍໄດ້
|
3. ເຄືອຂ່າຍລະດັບເມືອງ ຫຼື ແມນ (Metropolitan
Area Network: MAN)
ເປັນເຄືອຂ່າຍທີ່ໃຊ້ເຊື່ອມໂຍງແລນທີ່ຢູ່ຫ່າງໄກອອກໄປ
ເຊັ່ນ ການເຊື່ອມຕໍ່ເຄືອຂ່າຍລະຫວ່າງສຳນັກງານທີ່ອາດຢູ່ຄົນລະອາຄານແລະມີໄລຍະທາງໄກກັນ
ການເຊື່ອມຕໍ່ເຄືອຂ່າຍຊະນິດນີ້ອາດໃຊ້ສາຍໄຟເບີອ໊ອບຕິກ ຫລືບາງເທື່ອອາດໃຊ້ໄມໂຄຣເວັບເຊື່ອມຕໍ່
ເຄືອຂ່າຍແບບນີ້ໃຊ້ໃນສະຖານສຶກສາມີຊື່ເອີ້ນອີກຢ່າງໜຶ່ງວ່າເຄືອຂ່າຍແຄມປັດ
( Campus
Area Network: CAN ) ຊຶ່ງຖືວ່າເປັນລະບົບເຄືອຂ່າຍທີ່ມີການເຊື່ອມຕໍ່ກັນໃນລະຫວ່າງທີ່ກວ້າງໃຫຍ່
ຄວບຄຸມໄລຍະທາງເປັນ 100
ກິໂລແມັດ ທີ່ມີການຕິດຕໍ່ກັນໃນໄລຍະທີ່ໄກກວ່າລະບົບແລນແລະໃກ້ກວ່າລະບົບແວນ
ເປັນການຕິດຕໍ່ລະຫວ່າງເມືອງ ເຊັ່ນ ນະຄອນຫຼວງວຽງຈັນ ກັບ ນະຄອນປາກເຊ,
ນະຄອນປາກເຊ ກັບ ນະຄອນສະຫວັນນະເຂດ
ຫລື ເປັນການຕິດຕໍ່ລະຫວ່າງລັດຖະບານ ໂດຍມີຮູບແບບການເຊື່ອມຕໍ່ແບບ
Ring
ຕົວຢ່າງເຊັ່ນ ລະບົບ FDDI
(Fibre Data Distributed Interface) ທີ່ມີລັດສະມີ ຫລື ໄລຍະທາງການເຊື່ອມຕໍ່ຢູ່ທີ່ 100
ກິໂລແມັດ ອັດຕາຄວາມໄວຢູ່ທີ່
100 Mbps ມີຮູບແບບການເຊື່ອມຕໍ່ທີ່ປະກອບດ້ວຍວົງແຫວນສອງຊັ້ນ
ຊັ້ນທຳອິດເປັນ Primary Ring ສ່ວນຊັ້ນທີ່ 2 ເປັນ Secondary Ring ຫລື Backup Ring ໂດຍຊັ້ນ Secondary Ring ຈະທຳງານແທນກັນທັນທີທີ່ສາຍສັຍນຍານໃນ Primary
Ring ຂາດ FDDI
ເປັນໂປຣໂຕຄໍຂອງເຄືອຂ່າຍທີ່ເນັ້ນການຈັດສົ່ງຂໍ້ມູນທີ່ຄວາມໄວສູງ
ສົ່ງໄດ້ໃນໄລຍະທາງທີ່ໄກແລະມີຄວາມໜ້າເຊື່ອຖືສູງ ເນື່ອງຈາກໃຊ້ສາຍໃຢຍແກ້ວນຳແສງ
ຈຶ່ງມີຜູ້ນຳ FDDI ສູງ ມາໃຊ້ເປັນແບັກໂບນເພື່ອການຂົນສົ່ງຂໍ້ມູນ
ຢ່າງໃດກໍດີຄ່າໃຊ້ຈ່າຍໃນການຕິດຕັ້ງລະບົບ FDDI
ສູງ ປະກອບກັບການທີ່ລະບົບ
Gigabit
Ethernet ຖືກອອກແບບມາໃຫ້ແທນທີ່
FDDI
 4. ເຄືອຂ່າຍວົງກວ້າງ ຫລືແວນ (Wide Area Network: WAN) ເປັນການເຊື່ອມຕໍ່ເຄືອຂ່າຍຄອມພິວເຕີໄລຍະໄກ ຊຶ່ງມີຢູ່ທົ່ວໂລກເຂົ້ານຳກັນ ໂດຍອຸປະກອນແປງສັນຍານ ເຊັ່ນ ໂມເດັມ ຊ່ວຍໃນການຕິດຕໍ່ສື່ສານ ຫລື ສາມາດນຳເຄືອຂ່າຍທ້ອງຖິ່ນມາເຊື່ອມຕໍ່ກັນເປັນເຄືອຂ່າຍໄລຍະໄກ ເຊັ່ນ ເຄືອຂ່າຍອິນເຕີເນັດ ເຄືອຂ່າຍລະບົບທະນາຄານທົ່ວໂລກ ຫຼື ເຄືອຂ່າຍສາຍການບິນເປັນຕົ້ນ  ເຄືອຂ່າຍ WAN ສາມາດແບ່ງເປັນປະເພດໃຫຍ່ໆ ຄື 1 . ເຄືອຂ່າຍສ່ວນຕັວ (private network) ເປັນການຈັດຕັ້ງລະບົບເຄືອຂ່າຍຊຶ່ງມີການໃຊ້ງານສະເພາະອົງກອນ ເຊັ່ນ ອົງກອນທີ່ມີສາຂາອາດເຮັດການສ້າງລະບົບເຄືອຂ່າຍ ເພື່ອເຊື່ອມຕໍ່ລະຫວ່າງສຳນັກງານໃຫຍ່ກັບສາຂາທີ່ມີຢູ່ ເປັນຕົ້ນ ການຈັດຕັ້ງລະບົບເຄືອຂ່າຍສ່ວນຕົວມີຈຸດເດັ່ນໃນເລື່ອງຂອງການຖືຮັກສາຄວາມລັບຂອງ ຂໍ້ມູນ ສາມາດຄວບຄຸມເບິ່ງແຍງເຄືອຂ່າຍແລະຂະຫຍາຍເຄືອຂ່າຍໄປຢັງຈຸດທີ່ຕ້ອງການ ສ່ວນຂໍ້ເສຍຄືໃນກໍລະນີທີ່ບໍ່ໄດ້ມີການສົ່ງຂໍ້ມູນຕໍ່ເນື່ອງຕະຫລອດເວລາ ຈະເສຍຄ່າໃຊ້ຈ່າຍສູງຫລາຍເມື່ອທຽບກັບການສົ່ງຂໍ້ມູນຜ່ານເຄືອຂ່າຍສາທາລະນະ ແລະ ຫາກມີການສົ່ງຂໍ້ມູນລະຫວ່າງສາຂາຕ່າງໆ ຈະຕ້ອງມີການຈັດຫາຊ່ອງທາງສື່ສານເຊື່ອມໂຍງລະຫວ່າງແຕ່ລະສາຂາດ້ວຍ ຊຶ່ງອາດຈະບໍ່ສາມາດຈັດຊ່ອງທາງການສື່ສານໄປຢັງພື້ນທີ່ທີ່ຕ້ອງການໄດ້ 2. ເຄືອຂ່າຍສາທາລະນະ (PDN: public data network) ຫລືບາງເທື່ອເອີ້ນວ່າເຄືອຂ່າຍມູນຄ່າເພີ່ມ (VAN: Value Added Network) ເປັນເຄືອຂ່າຍ WAN ທີ່ຈະມີອົງກອນໜຶ່ງ (third party) ເປັນຜູ້ເຮັດຫນ້າທີ່ໃນການດູແລລະບົບເຄືອຂ່າຍ ແລະໃຫ້ເຊົ່າຊ່ອງທາງການສື່ສານໃຫ້ກັບ ບໍລິສັດຕ່າງໆ ທີ່ຕ້ອງການສ້າງລະບົບເຄືອຂ່າຍ ຊຶ່ງບໍລິສັດຈະຫລຸດຄ່າໃຊ້ຈ່າຍຂອງຕົນລົງໄດ້ ເນື່ອງຈາກມີບຸກຄົນອື່ນມາຊ່ວຍແບ່ງປັນຄ່າໃຊ້ຈ່າຍໄປ ຊຶ່ງຈະນິຍົມໃຊ້ກັນຫລາຍ ເນື່ອງຈາກມີຄ່າໃຊ້ຈ່າຍຕ່ຳກວ່າການຈັດຕັ້ງເຄືອຂ່າຍສ່ວນຕົວ ສາມາດໃຊ້ງານໄດ້ທັນທີໂດຍບໍ່ຕ້ອງເສຍເວລາໃນການຈັດຕັ້ງເຄືອຂ່າຍໃໝ່ ທັງຫມົດທັງມີບໍລິການໃຫ້ເລືອກຢ່າງ ຫຼາກຫຼາຍ ຊຶ່ງແຕກຕ່າງກັນໄປທັງໃນສ່ວນຂອງລາຄາ ຄວາມໄວ ຂອບເຂດພື້ນທີ່ບໍລິການ ແລະຄວາມເໝາະສົມກັບງານແບບຕ່າງ ໆ ລັກສະນະຂອງເຄືອຂ່າຍ ໃນການໃຊ້ງານເຄືອຂ່າຍຄອມພິວເຕີ ເພື່ອໃຊ້ຊັບພະຍາກອນຮ່ວມກັນສາມາດແບ່ງລັກສະນະຂອງເຄືອຂ່າຍຕາມບົດບາດຂອງເຄື່ອງຄອມພິວເຕີໃນການສື່ສານໄດ້ດັ່ງນີ້ 1) ເຄືອຂ່າຍແບບຮັບ-ໃຫ້ບໍລິການ ຫລືໄຄລເອນທ໌/ເຊີບເວີ (client-server network) ຈະມີເຄື່ອງຄອມພິວເຕີທີ່ເປັນເຄື່ອງໃຫ້ບໍລິການຕ່າງໆ ເຊັ່ນ ບໍລິການເວັບ ແລະບໍລິການຖານຂໍ້ມູນ ການໃຫ້ບໍລິການຂຶ້ນກັບການຮ້ອງຂໍບໍລິການຈາກເຄື່ອງຮັບບໍລິການ ເຊັ່ນ ການເປີດເວັບເພດ ເຄື່ອງຮັບບໍລິການຈະຮ້ອງຂໍບໍລິການໄປທີ່ເຄື່ອງບໍລິການເວັບ ຈາກນັ້ນເຄື່ອງໃຫ້ບໍລິການເວັບຈະຕອບຮັບແລະສົ່ງຂໍ້ມູນກລັບມາໃຫ້ເຄື່ອງຮັບບໍລິການ ຂໍ້ດີຂອງລະບົບນີ້ຄືສາມາດໃຫ້ບໍລິການແກ່ເຄື່ອງຮັບບໍລິການໄດ້ເປັນຈຳນວນຫລາຍ ຂໍ້ເສຍ ຄືລະບົບນີ້ມີຄ່າໃຊ້ຈ່າຍໃນການຕິດຕັ້ງແລະການບຳລຸງຮັກສາຄ່ອນຂ້າງສູງ  2) ເຄືອຂ່າຍລະດັບດຽວກັນ Peer- to-Peer network: P2P network ) ເຄື່ອງຄອມພິວເຕີສາມາດເປັນໄດ້ທັງເຄື່ອງໃຫ້ບໍລິການແລະເຄື່ອງຮັບບໍລິການໃນຂະນະດຽວກັນ ການໃຊ້ງານສ່ວນໃຫຍ່ມັກໃຊ້ໃນການແບ່ງປັນຂໍ້ມູນ ເຊັ່ນ ເພງ ລະຄອນ ໂປຣແກຣມ ແລະເກມ ເຄືອຂ່າຍແບບນີ້ເລີ່ມແພ່ຫລາຍຂຶ້ນໃນຜູ້ໃຊ້ງານອິນເຕີເນັດການໃຊ້ງານຈະມີຊອຟຕ໌ແວຣ໌ສະເພາະ ເຊັ່ນ ໂປຣແກຣມ eDonkey, BitTorrent ແລະ Lime Wire ຂໍ້ດີຂອງລະບົບແບບນີ້ຄືງ່າຍຕໍ່ການໃຊ້ງານ ແລະລາຄາບໍ່ແພງ ຂໍ້ເສຍຄືບໍ່ມີການຄວບຄຸມເລື່ອງຄວາມປອດໄພ ຈຶ່ງອາດພົບວ່າຖືກນຳໄປໃຊ້ປະໂຫຍດໃນທາງບໍ່ຖືກຕ້ອງ ເຊັ່ນ ການແບ່ງປັນເພງ ລະຄອນ ແລະໂປຣແກຣມທີ່ມີລິກຂະສິດຊຶ່ງເປັນການກະທຳຜິດກົດຫມາຍ  |
|
|
บทความ
ไม่มีความคิดเห็น:
แสดงความคิดเห็น